Hüseyn Həsənov axtarışa verilməsini şərh etdi

Bloqer Hüseyn Həsənov Rusiyada axtarışa verilməsi və qiyabi həbs qərarı ilə bağlı şərh verib.

Oxu.Az xəbər verir ki, bu barədə o, "Instagram" səhifəsində yazıb:

"Bəli, "qiyabi həbs" sözü qorxuducu səslənir, amma əslində hər şey o qədər də dramatik deyil. Bütün vergi məsələləri ötən il həll edilib. Hüquqşünaslarım bu vəziyyətlə məşğuldurlar", - bloqer bildirib.

Xatırladaq ki, Rusiyada Həsənov barəsində xüsusilə böyük miqdarda pul vəsaitinin leqallaşdırılması ilə bağlı cinayət işi açılıb. Ona qiyabi həbs qətimkan tədbiri seçilib. Bloqeri 7 ilədək həbs cəzası gözləyir.

Qeyd edək ki, Rusiya İstintaq Komitəsinin məlumatına görə, Hüseyn Həsənov 2019-2021-ci illərdə 170 milyon rubldan çox (təxminən 3,6 milyon manat) məbləğində vergidən yayınmaqda ittiham olunur.

Hüseyn Həsənov axtarışa verilməsini şərh etdi

19:30

Rusiyada məşhurlaşan və milyondan çox izləyicisi olan Azərbaycanəsilli bloqer Hüseyn Həsənov xüsusilə böyük miqdarda pul leqallaşdırılması ilə bağlı cinayət işinə görə axtarışa verilib.

Oxu.Az xəbər verir ki, bu barədə "Mash" məlumat yayıb.

Bildirilir ki, onun barəsində qiyabi həbs qərarı çıxarılıb. Bloqer 7 ilə qədər azadlıqdan məhrumetmə cəzası ilə üzləşə bilər.

Məlumata görə, Hüseyn 2024-cü ildən Rusiyada yaşamır - bəzi mənbələr onun Azərbaycana köçdüyünü bildirir.