Bakıda itkin düşən 15 yaşlı qız tapılıb

Yanvarın 13-də yaşadıqları evdən çıxıb naməlum istiqamətə gedən və bir daha geri qayıtmayan Neyjan İmaməddin qızı Hüseynova tapılıb.

Bununla bağlı Oxu.Az-a Daxili İşlər Nazirliyinin Mətbuat xidmətindən məlumat verilib.

"Barəsində axtarış elan edilən yeniyetmə polis əməkdaşları tərəfindən tapılaraq ailəsinə təhvil verilib",- deyə məlumatda bildirilib.

10:32

Bakıda 15 yaşlı yeniyetmə itkin düşüb.

Oxu.Az APA-ya istinadla xəbər verir ki, Binəqədi rayon sakini Samirə Məmmədova onunla eyni ünvanda yaşayan qızı 2010-cu il təvəllüdlü Hüseynova Neyjan İmaməddin qızının yanvarın 13-də, saat 10:00 radələrində yaşadıqları evdən çıxıb naməlum istiqamətə getdiyini və bir daha geri qayıtmadığını bildirib.

Onun itkin düşməsi ilə bağlı polisə müraciət edilib.

Hazırda faktla bağlı Binəqədi RPİ-nin 5-ci PB-də araşdırma aparılır.