Ən son xəbərləri bizim "X" səhifəmizdə izləyin

Bakıda balıqçılıq təsərrüfatı və akvakultura sahəsində Regional Komissiyanın 8-ci sessiyası keçirilir - FOTO
Bakı şəhərində BMT-nin Ərzaq və Kənd Təsərrüfatı Təşkilatının (FAO) Mərkəzi Asiya və Qafqazda balıqçılıq təsərrüfatı və akvakultura sahəsində Regional Komissiyasının (CACFish) növbəti 8-ci Sessiyası öz işinə başlayıb.
Ekologiya və Təbii Sərvətlər Nazirliyindən verilən məlumata görə, iki gün davam edəcək sessiyanın gündəliyində dayanıqlı inkişaf məqsədləri kontekstində su hövzələrinin və su bioloji resurslarının davamlı idarə olunması yollarının müzakirəsi, region ölkələrinin daxili su hövzələrində balıq ehtiyatlarının öyrənilməsi, balıqçılıq təsərrüfatlarının idarə edilməsi üzrə regional prinsiplərin hazırlanması və sənədlərin qəbulu nəzərdə tutulub.
Sessiyada Azərbaycan, Türkiyə, Qırğızıstan və Tacikistan Komissiyanın üzvləri qismində, Rusiya, Özbəkistan, Gürcüstan, Ukrayna, Qazaxıstan və Monqolustan isə müşahidəçi qismində təmsil olunurlar.
Tədbirdə Azərbaycan Respublikasının kənd təsərrüfatı naziri, Dövlət Su Ehtiyatları, Azərbaycan Qida Təhlükəsizliyi, Kiçik və Orta Biznesin İnkişafı Agentliklərinin sədrləri və BMT-nin Azərbaycandakı rezident əlaqələndiricisi iştirak edirlər.
"Birləşmiş Millətlər Təşkilatı (BMT)" teqi üzrə xəbərlər
- Azərbaycandakı dini konfessiya rəhbərləri Kir Starmerə müraciət ünvanlayıblar
- BMT-də Azərbaycanın mina problemi və minatəmizləmə fəaliyyəti ilə bağlı sərgi təşkil edilib
- Davamlı müharibələr, tapılmayan həll yolu və yeni dünya düzəni: BMT-nin gələcəyi sual altındadır
- BMT komissiyasında Azərbaycanın təşəbbüsü ilə qətnamə qəbul edilib
- BMT dünyanın ən xoşbəxt ölkəsinin adını açıqlayıb