Bakıda dənizdə batma təhlükəsi ilə üzləşən şəxs xilas edildi

Nəzarətsiz ərazidə çimərkən batma təhlükəsi ilə üzləşən bir nəfər xilas edilib.

Oxu.Az xəbər verir ki, bu barədə Fövqəladə Hallar Nazirliyindən (FHN) məlumat verilib.

Bildirilib ki, Bakı şəhəri, Xəzər rayonu, Şüvəlan qəsəbəsi ərazisində xidmət aparan FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri dənizdə nəzarətsiz ərazidə bir nəfər vətəndaşın çimərkən batma təhlükəsi ilə üzləşdiyini müşahidə ediblər.

Xilasedicilər tərəfindən həyata keçirilən operativ xilasetmə əməliyyatı sayəsində dənizdə batma təhlükəsində olan 2003-cü il təvəllüdlü Kamran Yaşar oğlu Quliyev xilas edilərək həkim briqadasına təhvil verilib.

Həmin görüntüləri təqdim edirik:

Bakıda dənizdə batma təhlükəsi ilə üzləşən şəxs xilas edildi