Bakı şəhərinin Sabunçu rayonunda avtomobillərin hərəkəti ilə bağlı yol nişanlarında dəyişiklik edilsə də, buna əməl edilmir.
Bu barədə görüntülər sosial şəbəkələrdə yayılıb.
Bakıda dəyişdirilən yol nişanına əməl edilmir - FOTO/VİDEO
Belə ki, uzun zaman həmin yolda “giriş qadağandır” yol hərəkəti nişanı olub. Daha sonra həmin işarə götürülsə də, sürücülər yeni quraşdırılan yol nişanlarına məhəl qoymur və köhnə qaydada hərəkətlərini davam etdirirlər.
Bu isə qeyd olunan ərazidə sıxlığın yaranmasına, eləcə də qəzaların baş verməsinə zəmin yaradır.
Bakı Şəhər Dövlət Yol Polisi İdarəsi məsələ barədə açıqlama verib.
DYP-nin inspektoru Fuad Sultanov Oxu.Az-ın sorğusuna cavab olaraq bildirib ki, ərazidə olan yol-patrul xidməti əməkdaşları təlimatlandırılıblar:
“Polis əməkdaşları ərazidə xidməti gücləndirirlər. Qaydanı pozan sürücülər də müəyyən olunaraq, barələrində inzibati protokol tərtib ediləcək”.
DYP rəsmisi sürücülərə müraciət edib:
“Xahiş edirik, nişanlara diqqət etsinlər və bu cür hallara yol verməsinlər”.
İlhamə Əbülfət
Rəylər