Bakıda güclü yanğına görə bağlanan yollar açılıb - YENİLƏNİB + FOTO

Bakının Nəsimi rayonu, Azadlıq prospektində yerləşən mağazada baş verən yanğına görə bağlanan yollar açılıb.

Oxu.Az-ın məlumatına görə, bu barədə Nəqliyyatın İntellektual İdarəetmə Mərkəzindən (NİİM) bildirilib.

Qeyd olunub ki, Nəsimi rayonu, Azadlıq prospektində yerləşən mağazada baş vermiş yanğın səbəbindən Mirəsədulla Mirqasimov küçəsi və metronun “28 May” stansiyası istiqamətində avtomobillərin hərəkətinə qoyulan məhdudiyyət aradan qaldırılıb.

00:22

Nəsimi rayonu, Azadlıq prospektində yerləşən mağazada baş verən yanğın səbəbindən Mirəsədulla Mirqasimov küçəsi və metronun “28 May” stansiyası istiqamətində avtomobillərin hərəkətinə məhdudiyyət qoyulub.

Oxu.Az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzinin (NİİM) Mətbuat Xidmətindən məlumat verilib.

Sürücülərdən alternativ yol olaraq Səməd Vurğun və Ceyhun Hacıbəyli kücələrindən istifadə etmələri tövsiyə olunur.