Bakıda ikimərtəbəli fərdi yaşayış evində baş verən yanğın söndürülüb

Paytaxtın Xəzər rayonu, Binə qəsəbəsində fərdi yaşayış evində yanğın baş verib.

Oxu.Az-a Fövqəladə Hallar Nazirliyinin (FHN) Dövlət Yanğından Mühafizə Xidmətindən verilən məlumata görə, havanın küləkli olmasına baxmayaraq yanğın daha geniş sahəyə yayılmasına, o cümlədən yaxınlıqdakı evlərə keçməsinə imkan verilmədən qısa müddətdə söndürülüb.

"Yanğın nəticəsində ümumi sahəsi 200 kvadratmetr olan ikimərtəbəli altıotaqlı fərdi yaşayış evinin dam örtüyü və ikinci mərtəbəsinin yanar konstruksiyaları 100 kvadratmetr, birinci mərtəbəsində bir otağın yanar konstruksiyaları 20 kvadratmetr sahədə yanıb.

Evin qalan hissəsi və yaxınlıqdakı tikililər yanğından mühafizə olunub. Xəsarət alan yoxdur".

Bakıda ikimərtəbəli fərdi yaşayış evində baş verən yanğın söndürülüb

11:20

"Bakı şəhəri, Xəzər rayonu, Binə qəsəbəsində fərdi yaşayış evində baş verən yanğın söndürülüb".

Bu barədə Oxu.Az-a Fövqəladə Hallar Nazirliyinin Mətbuat Xidmətindən məlumat verilib.

"Nazirliyin "112" qaynar telefon xəttinə Bakı şəhəri, Xəzər rayonu, Binə qəsəbəsində fərdi yaşayış evində yanğın baş verməsi barədə məlumat daxil olub və dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.

Yanğın yanğından mühafizə bölmələri tərəfindən qısa müddətdə məhdudlaşdırılaraq söndürülüb", - deyə məlumatda bildirilir.

Əzizə İsmayılova

10:48

Bakıda ikimərtəbəli ev yanır.

Bu barədə "Report"un sorğusuna cavab olaraq Fövqəladə Hallar Nazirliyindən (FHN) məlumat verilib.

Bildirilib ki, "112" qaynar telefon xəttinə Bakı şəhəri, Xəzər rayonu, Binə qəsəbəsində fərdi yaşayış evində yanğın baş verməsi barədə məlumat daxil olub və dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.

Hazırda yanğınla mübarizə tədbirləri davam etdirilir.

Əlavə məlumat veriləcək.

Bakıda ikimərtəbəli fərdi yaşayış evində baş verən yanğın söndürülüb