Bakıda koronavirusa yoluxmanın ən yüksək olduğu rayonlar açıqlandı - RƏSMİ

Bakı şəhərinin rayonları üzrə koronavirusa yoluxma halları ilə bağlı statistika açıqlanıb.

Oxu.Az-ın məlumatına görə, Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib ki, paytaxtda virusa yoluxanların 14,5 faizi Yasamal rayonunda yaşayanlardır:

“Bakı üzrə yoluxanların 13 faizi Nəsimi rayonunda, 13,5 faizi Sabunçu rayonunda, 11,1 faizi Binəqədi rayonunda, 10 faizi Xətai rayonunda, 7,4 faizi Qaradağ rayonunda, 6,4 faizi Suraxanı rayonunda, 5,9 faizi Nizami rayonunda, 10,5 faizi isə Nərimanov rayonunda yaşayanlardır”. 

O qeyd edib ki, Bakı şəhərinin digər rayonlarında koronavirusa yoluxma payı üç faizdən aşağıdır.

İlhamə Əbülfət