Bakıda doqquz yaşlı qız qonaq getdiyi evin eyvanından yıxılaraq ölüb.
Xezerxeber.az xəbər verir ki, autizm xəstəliyindən əziyyət çəkən azyaşlı qız ailəsi ilə birgə qohumlarıgilə qonaq gediblər. Elə hadisənin də bu mənzilin eyvanında axşam saatlarında baş verdiyi deyilir.
Tibbi Ərazi Bölmələrini İdarəetmə Birliyindən (TƏBİB) verilən məlumata görə, Təcili və Təxirəsalınmaz Tibbi Mərkəzinə dünən saat 18:08-də Binəqədi rayonu, Cəfər Xəndan küçəsində doqquzuncu mərtəbədən yıxılma səbəbilə çağırış daxil olub. Hadisə yerinə dərhal təcili tibbi yardım briqadası göndərilib. Nəticədə şəxsin həkiməqədər ölümü qeydə alınıb.
Mövzu ilə bağlı daha ətraflı videomaterialı təqdim edirik:
Bakıda binadan yıxılan doqquz yaşlı qızla bağlı DETALLAR
Bakıda məktəbli qız faciəli şəkildə ölüb.
Lent.az xəbər verir ki, hadisə paytaxtın Cəfər Xəndan küçəsində yerləşən yaşayış binasında qeydə alınıb.
Orada yaşayan 2015-ci il təvəllüdlü Nərmin Əliyeva 9-cu mərtəbədə yerləşən mənzilin eyvanından yıxılıb.
Nəticədə o, aldığı xəsarətdən hadisə yerindəcə dünyasını dəyişib.
Faktla bağlı araşdırma aparılır.
