Bakının mərkəzində iki avtomobil toqquşdu

Bakının Nəsimi rayonunun İslam Səfərli küçəsində yol-nəqliyyat hadisəsi baş verib.

Oxu.Az xəbər verir ki, "Chevrolet" markalı avtomobil qəza nəticəsində yol nişanına çırpılıb.

Nəticədə, avtomobildə olan sağ hava yastığı açılıb.

İdarənin inspektoru polis baş leytenantı Rüstəm Əhmədli Oxu.Az-a bildirib ki, sözügedən ərazidə iki avtomobil toqquşub:

"Hadisə saat 18:00-da baş verib. "Chevrolet" markalı 77-YX-568 dövlət nömrə nişanlı avtomobillə "Mercedes-Benz" 99-PB-413 dövlət nömrə nişanlı avtomobillər toqquşublar. Hadisə nəticəsində xəsarət alan olmayıb, - deyə R.Əhmədli bildirib.

Əzizə İsmayılova