Bakıda iki nəfərin qanını axıdan şəxs ölkədən qaçarkən qandallandı. Sabunçu rayonu ərazisində İlqar Əliyev iki gün əvvəl Gürcüstan vətəndaşı İlham Məmmədov və Ceyhun Quliyevi bıçaqlayıb.
Oxu.Az Milli.Az-a istinadən xəbər verir ki, taksi fəaliyyəti ilə məşğul olan İ.Əliyevi İlham və Ceyhun saxlatdıraraq maşını yüksək sürətlə idarə etməkdə günahlandırıblar. Onların hərəkətini İ.Əliyev özünə ayıb bilərək hər ikisini bıçaqlayıb və hadisə yerindən qaçıb.
DİN-in Növbətçi Hissələri İdarəetmə Xidməti və Sabunçu rayon Polis İdarəsinin 15-ci polis bölməsi əməkdaşlarının birgə keçirdikləri əməliyyat-axtarış tədbirləri nəticəsində İ.Əliyev Yalama keçid məntəqəsində tutulub. O, məsuiliyyətdən yayınmaq üçün ölkədən qaçarkən ələ keçib.
