Nəsimi rayonunda su borusu partlayıb.
Oxu.Az xəbər verir ki, bu barədə məlumat sosial şəbəkələrdə paylaşılıb.
Məlumatda qeyd olunub ki, Nəsimi rayonu, Xan Şuşinski küçəsi ilə Hənifə Ələsgərov küçəsinin kəsişməsində su xəttinin partlaması nəticəsində dünən gecədən başlayaraq su yola axır.
Məsələ ilə bağlı Oxu.Az-a Azərbaycan Dövlət Su Ehtiyatları Agentliyindən bildirilib ki, həmin ərazidə 200 mm diametrli xətdə qəza baş verib:
"Uzun müddət istismarda olan köhnə xətdir. Çox güman ki, bu səbəbdən olub. Amma dəqiq səbəbi qazıntı zamanı məlum olacaq. Qəzanın fəsadları yaxın saatlarda aradan qaldırılacaq".
Almaz Qasımova
