Dünən Bakının Qaradağ rayonu, Lökbatan qəsəbəsində şadlıq sarayına tələsən toy karvanı qəza törədib.
Oxu.Az-ın Milli.az-a istinadən məlumatına görə, nəqliyyat vasitəsi sürücünün səhlənkarlığı və sürət həddinin aşılması səbəbindən işıq dirəyinə çırpılıb. Qəza nəticəsində maşındakı yaşlı qadın aldığı zərbə nəticəsində hadisə yerində keçinib.
Qəza qəsəbədəki 4 saylı doğum evinin yanında baş verib. Rayonun təcili tibbi yardım bölməsinə zəng vurulsa da, təcili tibbi yardım maşını hadisə yerinə vaxtında çata bilməyib.
Faktla bağlı araşdırma aparılır.
