Bakıda milli geyimlərimizin və Azərbaycan mədəni irsinin təbliğinə həsr olunan kəlağayı yürüşü təşkil edilib.
Qız Qalasının qarşısından start götürən yürüşdə ictimai təşkilatların nümayəndələri və milli dəyərlərimizə önəm verən şəxslər iştirak ediblər. Milli geyimlərə bürünən, başlarına rəngarəng kəlağayılar örtən xanımlar İçərişəhərin tarixi küçələrindən keçərək Fəvvarələr meydanı istiqamətində hərəkət ediblər.
Yürüş Dənizkənarı Milli Parkda başa çatıb. İştirakçılar yolboyu mahnılar oxuyub, şeirlər səsləndirib, milli musiqi sədaları altında irəliləyiblər. Paytaxtın mərkəzinə xüsusi rəng qatan yürüş şəhər sakinlərinin və turistlərin də diqqətini cəlb edib.
Tədbirin əsas məqsədi Azərbaycan xalqının zəngin milli geyim mədəniyyətini, xüsusilə kəlağayı sənətini təbliğ etmək, onun hazırlanma ənənələrini və daşıdığı mənəvi dəyərləri geniş ictimaiyyətə tanıtmaqdır.
Daha ətraflı Baku TV-nin videomateriallarında:
