Bakıya qəza enişi edən təyyarə Moskvaya yola salındı - YENİLƏNİB

“Azur Air” şirkətinə məxsus Qoa-Moskva marşrutu üzrə uçan və Bakıya qəza enişi edən təyyarə Moskvaya yola salınıb. 

Bu barədə rus mətbuatı xəbər yayıb. 

Qeyd edək ki, sərnişinlər başqa təyyarə ilə yola salınmışdı. 

14:06

“Azur Air” şirkətinə məxsus Qoa-Moskva marşrutu üzrə uçan təyyarə Heydər Əliyev Beynəlxalq Aeroportunda təcili eniş edib. 

Heydər Əliyev Beynəlxalq Aeroportundan Oxu.Az-a verilən məlumata görə, eniş Bakı vaxtı ilə 11:05-də uğurla yerinə yetirilib. 

Bütün sərnişinlər aeroportda yerləşdirilib, onlara qida və içkilər təklif olunacaq. 

Məlumatlara görə, sərnişinlər üçün şirkət tərəfindən başqa təyyarə ayrılıb.