“Report” İnformasiya Agentliyi Baş Prokurorluq tərəfindən “Prokurorluğun dostu” mükafatına layiq görülüb.
Oxu.Az xəbər verir ki, bu gün prokurorluq əməkdaşları arasında ən yaxşı fəaliyyətinə görə seçilən əməkdaşlar və Prokurorluq orqanları ilə sıx əməkdaşlıq edən KİV nümayəndələrinə “Prokurorluğun dostu” mükafatı ilə təltif edilməsi ilə bağlı tədbir keçirilib.
“İlin ən yaxşı müstəntiqi” və “İlin ən yaxşı ittihamçısı” nominasiyaları üzrə prokurorluq əməkdaşları yaradılan komissiya ilə seçilib.
Mükafatları aidiyyəti üzrə Baş Prokuror Kamran Əliyev təqdim edib. Kütləvi İnformasiya Vasitələri arasında mükafata layiq görülən “Report” İnformasiya Agentliyinin Baş direktoru Fuad Hüseynəliyev Baş Prokuror Kamran Əliyev tərəfindən “Prokurorluğun dostu” mükafatına layiq görülüb.
F.Hüseynəliyev Agentliyin fəaliyyətini yüksək qiymətləndirdiklərinə görə, Baş Prokurora dərin təşəkkürünü bildirib:
“Prokurorluq orqanlarının fəaliyyətini sosial şəbəkə üzərindən izləyə bilirik. Bunlar Prokurorluğun hadisələrə operativ və şəffaf şəkildə yanaşmasını göstərir”.
Bildirilib ki, bu cür mükafatlandırılma prokurorluq tarixində ilk dəfə ötən il təsis edilib və bu ənənə davam etdiriləcək. Tədbir zamanı “Prokurorluğun dostu” mükafatı təqdim olunmuş “Azərbaycan” qəzetinin Baş redaktorunun müavini Raqif Məmmədli, “Xəzər TV” MMC-nin baş direktoru Murad Dadaşov göstərilən diqqətə görə minnətdarlıqlarını ifadə etmiş, prokurorluq orqanları ilə əməkdaşlıqdan məmnunluqlarını bildiriblər.
Baş Prokurorluq “Report” İnformasiya Agentliyini təltif etdi - FOTO/VİDEO
Könül Cəfərli
FOTO: Firudin Səlimov
