Bərdədə azyaşlılar üçün real təhlükə: Elektrik naqilləri qəzalı vəziyyətdədir - FOTO

Bərdə rayonunun Hacallı kəndində elektrik naqilləri qəzalı vəziyyətdədir. 

Oxu.Az xəbər verir ki, bununla bağlı sosial şəbəkədə görüntülər paylaşılıb. 

Kənd sakininin sözlərinə görə, ərazidən keçən elektrik naqilləri o qədər aşağı məsafədən çəkilib ki, azyaşlı uşaqlar üçün təhlükə mənbəyidir:

“Məsələ ilə bağlı aidiyyəti orqanlara müraciət etsək də, problemin həlli istiqamətində heç bir tədbir görülməyib”.

Məsələ ilə bağlı sorğumuzu cavablandıran “Azərişıq” ASC faktı təsdiq edib. Qurumdan bildirilib ki, əraziyə baxış keçirilib, elektrik naqillərinin yenidən qurulması üçün təlimat verilib və qısa zamanda məsələ öz həllini tapacaq. 

Könül Cəfərli