Biləsuvarda avtomobil aşıb: Ana və övladı xəsarət alıblar

Biləsuvarda ağır yol-nəqliyyat hadisəsi baş verib.

APA-nın məlumata görə, hadisə Bəhrəmtəpə-Biləsuvar magistralında, Biləsuvar rayonunun Səmədabad kəndi ərazisində qeydə alınıb.

Hərəkətdə olan VAZ-2107 markalı minik avtomobili idarəetməni itirib və nəqliyyat vasitəsi aşıb.

Qəza nəticəsində 1995-ci il təvəllüdlü Kənan İslamov və anası, 1974-cü il təvəllüdlü Gülnarə İslamova müxtəlif dərəcəli bədən xəsarətləri alıblar.

Yaralılar Biləsuvar Rayon Mərkəzi Xəstəxanasına çatdırılıblar.

İlkin tibbi yardımdan sonra onlar reanimasiya şöbəsinə yerləşdiriliblər.

Faktla bağlı araşdırma aparılır.