Bakının Binəqədi rayonu, 28 May qəsəbəsində kanalizasiya sularının yola axıdılması sakinlərin narazılığına səbəb olub.
Bununla bağlı Oxu.Az-ın qaynar xəttinə (+994 55 224-12-12) şikayət daxil olub.
Sakinlərin sözlərinə görə, əraziyə axıdılan çirkab sular həm ətraf mühitin çirklənməsinə, həm də antisanitar vəziyyətin yaranmasına səbəb olur.
"Ətraf o qədər palçıqlı olur ki, qəsəbədə maşınla hərəkət etməkdə belə çətinlik çəkirik", - deyə şikayətdə bildirilir.
Məsələ ilə bağlı aidiyyəti üzrə sorğu verilib.
Qaynar xətt:
(055) 224 12 12
