Britaniyalı səyyah: "Azərbaycanda geniş bir ərazinin minalarla çirkləndirildiyini görmək kədərlidir"

"Azərbaycanda geniş bir ərazinin minalarla çirkləndirildiyini görmək kədərlidir".

Oxu.Az "Report"a istinadən xəbər verir ki, bunu Böyük Britaniyadan olan səyyah Avi Rosenfeld deyib.

Səyyah bildirib ki, Azərbaycan hökumətinin minalanmış ərazilərdə həyata keçirdiyi təmizləmə prosesi təqdirəlayiqdir:

"Bu, mənim minalanmış əraziyə ilk gəlişimdir. Qarabağda bəzi yerlərə maşınla getdik və həmin ərazilərdə basdırılmış minaları gördük. Düşünürəm ki, Azərbaycan hökumətinin minalanmış ərazilərin təmizlənməsi istiqamətində çox yaxşı bir proses icra edir".

A.Rosenfeld minatəmizləmə prosesindən təsirləndiyini vurğulayıb:

"Minatəmizləyənlər bizə ərazini necə təmizlədiklərini izah etdilər və bildirdilər ki, bu əraziləri tamamilə təmizləmək çox uzun müddət çəkə bilər. Bunu eşitmək və bu qədər ərazinin minalarla çirkləndirildiyini görmək olduqca kədərlidir".