:1200.jpg)
Vətən müharibəsi başlayan gündən torpaqlarımızın azadlıqları uğrunda döyüşlərə atılanlar arasında müəllimlər də var idi.
Döyüşlərin ilk günündən savaşa atılan, Şuşa uğrunda gedən mübarizədə şəhid olan Rəşad Məmmədovun bu gün doğum günüdür.
O, 1989-cu il sentyabrın 4-dü Gəncə şəhərində anadan olub. 2006-cı ildə Gəncə şəhər 34 nömrəli tam orta məktəbdən məzun olub. Həmin il Gəncə Dövlət Universitetinə qəbul olub, 2010-cu ildə universiteti bitirib. 2013-cü ildə Gədəbəy rayon Qoşabulaq kənd 1 saylı tam orta məktəbində tarix müəllimi kimi əmək fəaliyyətinə başlayıb. 2018-ci ildə Gəncə şəhər M.Ş.Vazeh adına 16 saylı tam orta məktəbdə pedaqoji fəaliyyətini davam etdirib.
2020-ci ildə Gəncə Dövlət Universitetinin “Azərbaycanın yeni və ən yeni tarixi” ixtisası üzrə magistr pilləsində təhsil alıb.
R.Məmmədov döyüşlərə könüllü olaraq qatılıb. Qəhrəman 8 noyabr 2020-ci ildə Şuşa istiqamətində döyüş tapşırığını yerinə yetirərkən şəhid olub. 2020-ci ilin 17 noyabrında Gəncə Şəhidlər xiyabanında dəfn edilib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti tərəfindən Rəşad Məmmədova ölümündən sonra “Vətən uğrunda”, “Cəsur döyüşçü” və “Şuşanın azad olunmasına görə” medallarıyla təltif edilib.
