DİM-in şöbə müdiri: "Sertifikatın etibarlılıq müddəti iki il nəzərdə tutulub"

"Azərbaycan dili üzrə sertifikasiya imtahanı"nın onlayn platforması hazırda empirik təsdiq mərhələsindədir".

Oxu.Az xəbər verir ki, Dövlət İmtahan Mərkəzinin Dövlət dili və xarici dillər şöbəsinin müdiri Könül Hacıyeva Azərbaycan dili üzrə sertifikasiya imtahanının onlayn platformasının təqdimatındakı çıxışı zamanı deyib.

Şöbə müdiri qeyd edib ki, imtahanda iştirak edənlərin bir neçə istiqamətdə bilik və bacarıqları yoxlanılır:

"Dinləyib anlama, oxuyub anlama, yazı və danışma bacarığının yoxlanma mərhələlərindən ibarət olan bu imtahanın keçirilmə müddəti üç saatdır. Sınaq imtahanında iştirak ödənişsizdir. Qazanılan sertifikatın etibarlılıq müddəti iki il olaraq nəzərdə tutulub".

Aygün Mirakif