Ən son xəbərləri bizim "Facebook" səhifəmizdə izləyin

Diqqət: FHN xəbərdarlıq edir
Fövqəladə Hallar Nazirliyi (FHN) dəm qazından zəhərlənmələrlə bağlı vətəndaşlara xəbərdarlıq edib.
Oxu.Az FHN-in rəsmi saytına istinadən xəbər verir ki, xəbərdarlıqda son zamanlar qaz cihazlarının istismarı zamanı əhali arasında dəm qazından zəhərlənmə hallarının qeydə alındığı vurğulanıb.
Müəyyən olunub ki, bu hadisələrin əksəriyyəti vətəndaşların təhlükəsizlik qaydalarına riayət etməməsı səbəbindən baş verir.
Dəm qazından zəhərlənmə halı yanğın olduqda, sobanın qapağı erkən bağlandıqda, qarajda, qapalı məkanda avtomobil mühərriki işlədikdə, ağzı bağlı kabinədə uzun müddət qaldıqda yaşanır. Mənzillərdə isə dəm qazından zəhərlənmə təhlükəsi əksər hallarda evi qızdırıcı cihazlarla qızdırarkən və ya hamam otağında baş verir.
Xəbərdarlıqda dəm qazının baş vermə və yaranma səbəbləri, hadisələri önləmək üçün görülməsi vacib olan tədbirlər xatırladılıb, zərərçəkmişlərə ilkin tibbi yardım göstərilməsi barədə tövsiyələr yer alıb.
FHN bildirir ki, dəm qazından zəhərlənmiş insan özünü yaxşı hiss etsə belə, ən azı 24 saat həkim nəzarəti altında qalmalıdır.