Ən çox sərnişin Bakı-Ağstafa qatarları ilə daşınıb

Bu ilin avqust ayında "Azərbaycan Dəmir Yolları" (ADY) QSC-nin rayonlararası (şəhərlərarası) və şəhərətrafı qatarları ilə 651 min nəfərə yaxın sərnişin daşınıb ki, bu da ötən ilin eyni dövrü ilə müqayisədə 24 faiz çoxdur.

Oxu.Az xəbər verir ki, bu barədə ADY məlumat yayıb.

Marşrutlar üzrə ən böyük artım 41%-lə Bakı-Ağstafa-Bakı marşrutunda qeydə alınıb.

Həmçinin ADY-nin sərnişindaşıma xidmətlərindən istifadə edən xarici turistlərin sayı bu il keçən illə müqayisədə 38 faiz çox olub.