"Sosial şəbəkədə ərəblərin Biləsuvar və Sabirabad rayonları ərazisində "Qırmızı Kitab"a düşmüş bəzgək quşlarını ovladıqlarına dair yayılan video görüntülər araşdırılır".
Bunu Oxu.Az-a açıqlamasında Bioloji Müxtəlifliyin Qorunması Xidmətinin rəsmisi Arzu Babayeva deyib.
"Ov mövsümü açıq elan ediləndən ov üçün icazə sənədləri alan ovçulara qaydalara və tətbiq olunan normativlərə əməl edilməsi barədə ciddi təlimatlar verilir, pozuntulara görə inzibati və hüquqi məsuliyyət haqqında onlara xəbərdarlıq edilir. Pozuntular barədə hər hansı məlumat daxil olduqda isə ciddi yoxlamalar aparılır. Son günlər sosial şəbəkələrdə xarici vətəndaşların qanunsuz ov etməsi ehtimal olunan video görüntülər isə tərəfimizdən araşdırılır".
O qeyd edib ki, Azərbaycan ərazisində yanvarın 22-dən mövsüm açıq elan olunub və mövcud qaydalar çərçivəsində yerli və xarici vətəndaşların ov etməsinə icazə verilib.
Aygün Mirakif
