FHN-in yanğınsöndürən maşını aşdı - FOTO

Bakıda Fövqəladə Hallar Nazirliyinin (FHN) yanğınsöndürən maşını aşıb. 

Oxu.Az xəbər verir ki, bu barədə Report-a hadisə şahidi olan şəxslər məlumat verib. 

Məlumata görə, qəza Səbail rayonunun Salyan şosesi Bibiheybət qəsəbəsindən keçən yolda qeydə alınıb. Qəza zamanı xəsarət alanların olub-olmadığı barədə məlumat yoxdur.

İlkin ehtimala görə, qəza havanın dumanlı olması səbəbindən baş verib. Sərt döngədə idarəetməni itirən sürücü maşını aşırıb. 

Qəzaya düşən yanğınsöndürən maşın gecə Qaradağ rayonu Lökbatan qəsəbəsində baş verən yanğın hadisəsinin söndürülməsi işinə cəlb olunub. Hadisənin də, məhz həmin yanğının qarşısı alınandan sonra avtomobil yanğınsöndürmə hissəsinə qayıdan zaman baş verdiyi bildirilir.  

E.Ə.
www.oxu.az