Gədəbəydə yol-nəqliyyat hadisəsində dörd nəfər xəsarət alıb - YENİLƏNİB

Gədəbəyin Zəhmətkənd kəndində iki piyada və iki sərnişinin xəsarət alması ilə nəticələnən yol-nəqliyyat hadisəsi olub.

“Report”un məlumatına görə, hərəkətdə olan minik avtomobili 7 yaşlı Y.A və daha bir azyaşlı piyadanı vurub.

Qəza zamanı avtomobildə olan sərnişinlər - C.O və S.P də xəsarət alıb. Onlar xəstəxanaya yerləşdirilib.

Xəsarət alanlardan Y.A-nın vəziyyəti ağır qiymətləndirilir.

Faktla bağlı araşdırma aparılır.

20:43

Gədəbəyin Zəhmətkənd kəndində yol-nəqliyyat hadisəsi baş verib.

Daxili İşlər Nazirliyinin Gəncə regional qrupundan Oxu.Az-a verilən məlumata görə, “Volkswagen Passat” markalı avtomobil iki azyaşlı məktəblini vurub.

Qəza zamanı xəsarət alan məktəblilər Gəncə Şəhər Xəstəxanasına çatdırılıblar.

Faktla bağlı araşdırma aparılır.

İlhamə Əbülfət