Gələn həftəsonu da evdən çıxmaq qadağan olunacaq? - RƏSMİ AÇIQLAMA

“Qərarlar heç də təsadüfən qəbul edilməyib. Burada beynəlxalq təcrübə əsas götürülüb”.

Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

O qeyd edib ki, yalnız insanların küçələrə çıxma qadağası yetərli deyil:

“İnsanlar maska taxmalı, qaydalara əməl etməlidirlər. Belə məhdudiyyətlərdən sonra insanlar azadlığa daha çox meyil edir və bu, sərt nəticələrə gətirib çıxarır. Biz bunu karantin rejiminin tədricən yumşaldılması mərhələsində gördük”.

O qeyd edib ki, növbəti həftəsonu sərt karantin rejiminin tətbiqi barədə danışmaq tezdir: 

“Bu qərar göstəricilərdən asılı olacaq. Bu təcrübədən artıq bir sıra dünya ölkələri - Türkiyə, İsrail istifadə edirlər. Bu qərar müxtəlif ekspertlərin ciddi rəyi ilə qəbul olunub”.

İlhamə Əbülfət