15 İyun - Milli Qurtuluş Günü münasibəti ilə YAP Gəncə şəhər Təşkilatı Gənclər Birliyi “Hər evə bir bayraq” aksiyası təşkil edib.
Oxu.Az Qafqazinfo-ya istinadla xəbər verir ki, aksiya çərçivəsində 500-dən çox böyük, 1000-dən çox kiçik ölçülü bayraq paylanılıb.
Gənclər keçirilən aksiya zamanı Milli Qurtuluş gününün mahiyyəti haqda ətraflı təbliğat aparmaqla yanaşı, gənclər arasında viktorinalar da keçirib.
Gənclər arasında qismən də olsa bayrağa olan sevgini daha da gücləndirmək və hər evdə ən azı bir bayrağın olması məqsədi reallaşıb. Aksiya çərçivəsində Birliyin könüllüləri aktiv iştirak ediblər.
Həyata keçirilən aksiya şəhər əhalisi və gənclər tərəfindən rəğbətlə qarşılanıb.
