İmran Cəfərzadənin ayaqlarındakı sınmış sümüklərin bitişməsində irəliləyiş olub.
Oxu.Az xəbər verir ki, bu barədə Publika.Az-a açıqlamasında Azərbaycanın Almaniyadakı səfirliyinin mətbuat attaşesi Vüqar Qafarov bildirib.
Almaniyanın “Charite” klinikasında müalicəsi davam etdirilən İmran Cəfərzadənin ayaqlarında 17 sentyabr tarixində növbəti cərrahiyyə əməliyyatı olub. Əməliyyatdan sonrakı konsiliumda həkimlər İmran Cəfərzadənin ayaqlarındakı sınmış sümüklərin bitişməsində irəliləyiş olduğunu bildiriblər. Əməliyyat zamanı xəstənin sol ayaq barmaqlarına qoyulmuş millər çıxarılmış və sol ayaq dabanına dəri köçürülüb.
Həkimlər eyni zamanda sağ və sol ayaq nayihəsinin digər hissələrinin dəri örtüyündəki yaraların tam sağaldığını qeyd edirlər. Müalicənin nəticələri qənaətbəxşdir və xəstənin fiziki və psixoloji durumu normal hesab edilir.
