Kürdə suyun səviyyəsi artıb

Çaylarda müşahidə olunan faktiki hidroloji vəziyyət açıqlanıb.

Oxu.Az xəbər verir ki, bu barədə Milli Hidrometeorologiya Xidməti məlumat yayıb.

Avtomat hidroloji stansiyaların aprelin 18-si saat 11:00 məlumatına əsasən, Kiçik Qafqaz ərazisindən axan Kürəkçayda 5 sm, Qarabağ və Şərqi Zəngəzur bölgəsindən axan Tərtərçay-Vəngdə 10 sm, Tutqunçayda 7 sm, Tərtərçay-Kəlbəcərdə 5 sm artım qeydə alınıb.

Kür çayının aşağı axınında Kür-Zərdab məntəqəsində 17 sm artım, su sərfi 641 m³/san (normanın 207%-i), Kür-Surrada 32 sm artım, su sərfi 461 m³/san (normanın 63%-i), Kür-Şirvanda 38 sm, Kür-Salyanda 70 sm, Kür-Bankədə 36 sm artım olub.

Transsərhəd çaylarında Qanıx çayının səviyyəsi 2 sm artıb, su sərfi 255 m³/san, normanın 152%-ni təşkil edir.