Kürdəmirdə magistral su borusu partlayıb.
Oxu.Az "Report"a istinadən xəbər verir ki, hadisə Külüllü-Kürdəmir magistral su xəttinin 31-ci km-də, rayonun Topalhəsənli kəndi ərazisindən keçən hissəsində qeydə alınıb. Diametri 500 mm olan borudakı qəza nəticədə rayon mərkəzi və 6 kənd susuz qalıb.
Aidiyyəti qurum problemin aradan qaldırılması istiqamətində zəruri tədbirlər həyata keçirir.
Qeyd edək ki, Külüllü-Kürdəmir magistral su xətti 2013-cü ildə dövlət vəsaiti hesabına inşa olunub və rayonun ümumilikdə 21 000 sakinini içməli su ilə təmin edir.
Qaynar xətt:
(055) 224 12 12
