Masallı rayonunun Ərkivan qəsəbəsində qaz xəttinin zədələnməsi səbəbindən ərazinin bir hissəsində qaz təchizatı müvəqqəti dayandırılıb.
Oxu.Az xəbər verir ki, bu barədə Lənkəran Regional Qaz İstismarı İdarəsi məlumat yayıb.
Bildirilib ki, hadisə iyunun 29-da saat 10:50-də müvafiq qurum tərəfindən aparılan qazıntı işləri zamanı baş verib. Qaz xəttinin zədələnməsi ilə əlaqədar qəzanın nəticələrinin aradan qaldırılması və təhlükəsizlik tədbirlərinin təmin olunması məqsədilə Ərkivan qəsəbəsinin bir hissəsinə qazın verilişi müvəqqəti dayandırılıb.
Qaynar xətt:
(055) 224 12 12
