Avqustun 15-nə qədər 100 mindən artıq “BakıKART” kart satılıb.
Bu haqda Oxu.Az-a “Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Nəsimi Paşayev məlumat verib.
Onun sözlərinə görə, 7 mindən artıq metro kartı geri qaytarılıb.
“Sərnişinlər əssən metro kartının girov dəyəri eyni karta yüklənməklə gediş haqqı kimi istfadə etməyə üstünlük verirlər. Eyni zamanda bir çox sərnişin də metro kartının girov dəyəri və balansını “BakıKART”a transfer edirlər. “BakıKART məhdud istifadə üçün” kartına təlabat azdır”.
Qeyd edək ki, avqustun 8-də Bakı metropolitenində yeni vahid ödəniş kartlarının istifadəsinə başlanılıb. Bu kartları metropolitendə bütün stansiyaların vestibüllərində və paytaxt dayanacaqlarında quraşdırılmış yeni terminallardan əldə etmək mümkündür. Qiymətlərə gəlincə, “BakıKART”ın (plastik kart) satışı 2 manat, “BakıKART məhdud istifadə üçün” kartının satışı isə 20 qəpikdir.
Elvin Əhmədov
www.oxu.az
