Mingəçevirdə məktəbli BIÇAQLANDI - TƏFƏRRÜAT

Mingəçevirdə məktəblinin bıçaqlanması ilə bağlı bəzi detallar məlum olub.

Oxu.Az Xəzər TV-yə istinadən məlumat verir ki, 16 yaşlı yeniyetmə tanışı tərəfindən söyüşə görə bıçaqlanıb.

Müxtəlif bədən xəsarətləri alan yeniyetmə Mingəçevir şəhər mərkəzi xəstəxanasına çatdırılıb.

Ətraflı süjetdə:

Mingəçevirdə məktəbli BIÇAQLANDI - TƏFƏRRÜAT

09 mart, 22:36

Mingəçevirdə yeniyetmə bıçaqlanıb.

Oxu.Az xəbər verir ki, hadisə "Energetiklər" yaşayış massivi ərazisində qeydə alınıb.

Qeyd olunur ki, mübahisə və münaqişə zəminində 2009-cu il təvəllüdlü şəhər sakini Pünar Asif oğlu Nəsrullayev bıçaqlanıb. Xəstəxanaya çatdırılan yaralı yeniyetmənin durumu çevik tibbi müdaxilə nəticəsində stabilləşib.

Daxili İşlər Nazirliyinin (DİN) Mətbuat Xidməti Şəki Regional Qrupundan Oxu.Az-ın sorğusuna cavab olaraq bildirilib ki, 4 saylı Mingəçevir Şəhər Orta Məktəbinin 10-cu sinif şagirdi Pünar Nəsrullayevi bıçaqlamaqda şübhəli bilinən 22 yaşlı şəxs Mingəçevir Şəhər Polis Şöbəsi əməkdaşları tərəfindən saxlanılaraq istintaqa təhvil verilib.

Həmin şəxs 2003-cü il təvəllüdlü Nihat Həsənzadədir.