"Dünən Mingəçevir Şəhər Mərkəzi Xəstəxanasına müraciət edən 1978-ci il təvəllüdlü şəxsin (kişi) səhhətində kəskin pisləşmə müşahidə edildiyindən saat 14:50-də xəstəxananın Təcili tibbi yardım şöbəsinə hospitalizasiya olunub".
Bu barədə Oxu.Az-ın sorğusuna cavab olaraq Mingəçevir Şəhər Mərkəzi Xəstəxanasının məlumatında bildirilib
Qeyd olunub ki, aparılan reanimasiya tədbirlərinə baxmayaraq, pasiyentin həyatını xilas etmək mümkün olmayıb:
"Pasiyent ölümündən əvvəl həkim-terapevt və həkim-endokrinoloq tərəfindən müayinə olunub, həmçinin rentgen və laborator müayinələrdən keçirilib. Həkimlər tərəfindən aparılan müayinələrin nəticələrinə əsasən pasiyentə tənəffüs orqanlarının bakterioloji və histoloji təsdiq edilmiş vərəmi, insulindən asılı şəkərli diabet (çoxsaylı ağırlaşmalarla) diaqnozları təyin edilib. Eyni zamanda pasiyent uzun müddətdir insulindən asılı şəkərli diabet (çoxsaylı ağırlaşmalarla), əvvəllər keçirilmiş miokard infarktı, hipertenziv ensefalopatiya, qaraciyərin dəqiqləşdirilməmiş toksiki zədələnməsi, eləcə də ağciyər vərəmi xəstəlikləri səbəbindən müalicə olunurmuş. Qeyd edək ki, ölümün bilavasitə səbəbi yalnız meyitin patoloji-anatomik müayinəsi nəticəsində təyin olunur".
Məlik Məlikov
Mingəçevirdə xəstəxanaya müayinəyə gələn Ağdaş sakini qəfildən ölüb.
Oxu.Az "Teleqraf"a istinadən xəbər verir ki, hadisə Mingəçevir Şəhər Mərkəzi Xəstəxanasında qeydə alınıb.
1978-ci il təvəllüdlü Ağdaş rayon sakini Fizuli İbadovun müayinə üçün gəldiyi xəstəxananın dəhlizində qəfildən halı pisləşib və huşunu itirib.
Həkimlərin cəhdlərinə rəğmən, onun həyatını xilas etmək mümkün olmayıb.
Faktla bağlı araşdırma aparılır.
