Balaca oxucularımız "National Geographic Kids" jurnalının bu sayında azmış və soyuqdan donmuş dəniz tısbağasının xilası; tropik meşələr barədə çox maraqlı 30 fakt; qeyri-adi əyləncə məkanları; sayrışan işıq şousu yaradan mavi vulkan; çox qədim tarixə malik və müəmma dolu Stounhenc daşları haqqında oxuyacaqlar.
Oxu.Az xəbər verir ki, əlavə olaraq, Ginnesin Rekordlar Kitabından insanı mat qoyan faktlar, ekstremal qəribəliklər, səslər barədə heyrətamiz məlumatlar, məzəli heyvanların başına gələnlər, rəqəmlərlə ifadə olunmuş günəş sistemi uşaqları heyrətləndirəcək. Filvord və "Biliyinlə Qazan!" rubrikasının maraqlı sualları onları yenə də sınağa çəkəcək.
Xatırladaq ki, 2014-cü il 12 noyabr tarixində "Garant Media Holding" və "National Geographic" Cəmiyyəti arasında "National Geographic Kids" uşaq jurnalının Azərbaycanda dərc olunması ilə bağlı müqavilə imzalanmışdı.
Jurnalı istənilən satış nöqtəsindən ala bilməklə yanaşı, ona həm də abunə olmaq mümkündür. Qiyməti 3 manatdır. Azərbaycanın istənilən nöqtəsində istənilən ünvana çatdırılma pulsuzdur.
Abunə yazılmaq və əlavə məlumat almaq üçün (012) 563 56 25 (daxili nömrə 302) nömrəsinə zəng edin.
