Nazim Mahmudov: “Bu il ərzində 147 sel hadisəsi qeydə alınıb”

“Bu il ərzində ölkəmizdə 147 sel hadisəsi qeydə alınıb”. 

Oxu.Az-ın məlumatına görə, bunu Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Nazim Mahmudov qlobal iqlim dəyişmələri mövzusunda keçirilən dəyirmi masada deyib. Onun sözlərinə görə, bu, hadisələr ölkəmizdə rekord göstərici idi. 

O əlavə edib ki, ölkəmizdə 64 avtomat hidrometeoroloji stansiya quraşdırılıb:

“Quraşdırılan stansiyalardan 11-i Qarabağ bölgəsindədir. 

Həmin ərazilərdə beş meteoroloji stansiyalar da quraşdırılıb. Eyni zamanda, ölkə ərazisində iki ədəd radar dopler quraşdırılıb. Bunlar proqnozların vaxtında alınması və əhaliyə çatdırılması üçün effektivdir”.

İlhamə Əbülfət