"Nine Senses Fest 2026" festivalının ikinci günündə yüzlərlə iştirakçı özünü tanıma, sağlamlıq və mənəvi zənginlik yolunda bir araya gəlib.
Oxu.Az xəbər verir ki, festival ərəfəsində müxtəlif yoqa və meditasiya sessiyaları keçirilib.
İkinci gündə Lev İvanovun "Bütün gün üçün enerji və güc", İmram Kriyanın "Həyat elmi" mövzusunda master-klası, eləcə də Pavel Piskaryovun "Neyroağac. Köklərdən inkişafa doğru" praktiki sessiyası keçirilir.
Axşam isə İmram Kriyanın satsanqı və konsert proqramı baş tutacaq.
Festival ərəfəsində tematik yarmarka təşkil olunub.
Qeyd edək ki, "Nine Senses Fest 2026" festivalı Heydər Əliyev Fondunun vitse-prezidenti, Azərbaycan Yoqa Federasiyasının prezidenti və "Nine Senses Art Center"in təsisçisi Leyla Əliyevanın təşəbbüsü və dəstəyi Bakıda üçüncü dəfədir keçirilir.
Festivalın mövzusu "Köklərdən İnkişafa" seçilib, rəmzi isə ağacdır. Burada inkişaf etmək üçün sadəcə dayanmaq, nəfəs almaq və özünü yenidən kəşf etməyin vacibliyi vurğulanır.
"Nine Senses Fest" özünü tanımaq üçün bir imkan yaradır və dünyanın müxtəlif ölkələrindən olan həmfikir insanları bir araya gətirir.
Bu il yenidən başlayan festival iyunun 14-dək davam edəcək.
Altı məkanda baş tutacaq tədbir dünyanın müxtəlif ölkələrindən təxminən 1 500 iştirakçı və 80 eksperti bir araya gətirib.
Festival iştirakçıları "hatha yoqa", "kundalini yoqa", "çiqonq", "sound healing", "neyrogimnastika", müxtəlif bədən təcrübələri və meditasiya sessiyalarında yararlanmaq imkanı əldə ediblər.
