Paytaxtda TIR sürücülərinin yolu bağlaması faktı ilə əlaqədar cinayət işi açılıb

Bu gün TIR sürücülərinin paytaxtın H.Əliyev prospektində yolu bağlaması faktı ilə əlaqədar cinayət işi başlanılıb.

Bu barədə Oxu.Az-a açıqlamasında Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli məlumat verib. 

O bildirib ki, fakta görə Cinayət Məcəlləsinin 233-cü maddəsi ilə (İctimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) Nərimanov Rayon Polis İdarəsinin İstintaq şöbəsində Cinayət işi başlanılıb:

"Məsələyə hüquqi müstəvidə qiymət veriləcək"

Könül Cəfərli