Paytaxtdakı Ali məktəblərin Qəbələyə köçürülməsi barədə – AÇIQLAMA

Təhsil Nazirliyinin Ali məktəblərin Bakıdan Qəbələyə köçürülməsinə dair heç bir planı yoxdur.

Oxu.Az 1news.az-a istinadən xəbər verir ki, bu barədə Ali məktəblərin Bakıdan Qəbələyə köçürülməsinə dair bir sıra yerli KİV-in yaydığı məlumatı şərh edərkən Nazirliyin mətbuat xidmətindən bildirilib.

“Nazirlikdə bu mövzuda heç bir müzakirə aparılmır, bu informasiyanın haradan meydana gəlməsi bəlli deyil”, - Nazirlikdən deyilib.

Nazirlikdə qeyd edilib ki, heç bir KİV-də bu informasiyanın mənbəyi göstərilmir.

Təhsil Nazirliyində qeyd ediblər ki, Dövlət strategiyasına uyğun olaraq Azərbaycanda təhsilin inkişafı istiqamətində universitet kampuslarının yaradılması nəzərdə tutulub. Hal-hazırda bu məqsədlə tədbirlər planı hazırlanır, daha sonra bu istiqamətdə konkret fəaliyyət başlayacaq.

Qeyd edək ki, bir sıra KİV Azərbaycan Tibb Universitetinin, Azərbaycan Dövlət Pedaqoji Universitetinin, Azərbaycan Texniki Universitetinin, Azərbaycan İnşaat və Memarlıq Universitetinin, Azərbaycan İqtisadiyyat Universitetinin və digərlərinin Qəbələyə köçürülməsi haqqında məlumat yayıblar.

www.oxu.az