Bakıda "Prius" zəncirvari qəzaya səbəb oldu - ANBAAN GÖRÜNTÜLƏR

Bakının Babək prospektində zəncirvari yol-nəqliyyat hadisəsi zamanı üç avtomobil toqquşub.

Bununla bağlı Oxu.Az-a Bakı Şəhər Dövlət Yol Polisi İdarəsinin (BŞDYPİ) baş inspektoru, polis baş leytenantı Rüstəm Əhmədli məlumat verib.

O qeyd edib ki, yol-nəqliyyat hadisəsi 9 sentyabr saat 06:40-da qeydə alınıb.

"Hadisə zamanı 77-LH-463 dövlət nömrə nişanlı "Prius", 02-BU-954 dövlət nömrə nişanlı VAZ-2106 və 10-DB-021 dövlət nömrə nişanlı BMW markalı avtomobillər toqquşub.

Hadisə "Prius" markalı avtomobilin sürücüsünün ara məsafəsini düzgün seçməməsi səbəbindən baş verib. Nəticədə o qarşıda hərəkətdə olan VAZ-2106 markalı nəqliyyat vasitəsinə çırpılıb, idarəetmədən çıxan VAZ-2106 isə arxadan gələn BMW markalı nəqliyyat vasitəsinə çırpılıb.

Hadisə nəticəsində xəsarət alan olmayıb. Faktla bağlı Başı Şəhər Dövlət Yol Polisi İdarəsində araşdırma aparılır".

15:08

Bakının Babək prospektində zəncirvari yol-nəqliyyat hadisəsi baş verib.

Oxu.Az xəbər verir ki, qəzanı əks etdirən videogörüntü sosial şəbəkədə yayımlanıb.

"Prius" markalı avtomobil qarşıda hərəkət edən VAZ-2106 markalı avtomobilə, VAZ-2106 isə öz növbəsində kənar zolaqla hərəkətdə olan avtomobilə çırpılıb. Hər üç avtomobilə ciddi ziyan dəyib.

Hadisə nəticəsində xəsarət alanların olub-olmaması barədə məlumat yoxdur.

Baş vermiş qəza ilə bağlı Bakı Şəhər Dövlət Yol Polisi İdarəsinə sorğu verilib.

Əzizə İsmayılova