Bakıda küçədə çökmə baş verib. Sakinlər deyirlər ki, sutkanın qaranlıq vaxtı bura insan düşsə, faciə baş verə bilər.
Oxu.Az Xəzər TV-yə istinadən xəbər verir ki, hadisə Xətai rayonu, Kənd Əhmədli, Elşən Süleymanov küçəsində baş verib.
Hazırda həmin ərazi lentlə əhatəyə alınıb. Sakinlərin sözlərinə görə, ərazidən minik maşını keçəndən sonra yolun bir hissəsi qəfil çöküb. Bildirilib ki, intensiv yağışlardan sonra küçənin bir çox hissəsində asfalt örtüyü çöküb.
"Qaranlıq vaxtı buraya insan düşsə, faciə baş verə bilər" - Paytaxtda asfalt qəfil çökdü - VİDEO
Problemin konkret olaraq nə vaxt aradan qaldırılacağı İri Şəhərlərin Birləşmiş Su Təchizatı Xidmətindən rəsmi açıqlama almaq mümkün olmayıb. Sakinlər isə yaranmış vəziyyətin daha ciddi fəsadlara səbəb olmadan qısa müddətdə həll olunacağına ümid edirlər.
Qaynar xətt:
(055) 224 12 12
