Qəzadan sağ çıxan Ayhan: "3-cü dəfə havaya qalxanda təyyarə vuruldu"

"Mən ayılanda təyyarənin içində başıaşağı idim".

Oxu.Az Baku TV-yə istinadın xəbər verir ki, bunu təyyarə qəzasından sağ çıxan sərnişin Ayhan Bayramzadə deyib.

"Təyyarə birinci dəfə enmək istədi, ancaq alınmadı. Dedik ki, yəqin, uçuş zamanı rast gəlinən haldır. İkinci dəfə də cəhd etdi, yenə enə bilmədi. Üçüncü dəfə artıq havaya qalxanda təyyarə vuruldu. Partlayış səsi gəldi. Bələdçi Zülfüqar bəy bizi sakitləşdirməyə gəlirdi, o da qolundan yaralandı. Həmin vaxt Hökumə xanım sərnişinləri sakitləşdirirdi.

"Heç kim yerindən durmasın, hamı kəmərlərini bağlasın" deyirdi. İçəridə qışqırıq səsləri gəlirdi, amma heç kim yerindən durmurdu. Qəzadan sonra bilmirdim ki, təyyarə ikiyə bölünüb. Mən elə düşünürdüm ki, bütöv şəkildə qalıb", - deyə o qeyd edib.

Ətraflı süjetdə:

Qəzadan sağ çıxan Ayhan: "3-cü dəfə havaya qalxanda təyyarə vuruldu"