“Xalq artisti Ramiz Məlikin dəfn yeri və saatı hələ məlum deyil”.
Bu sözləri Oxu.Az-a açıqlamasında mərhum Xalq artisti Ramiz Məlikin qızı Lalə Məlikova deyib.
O, atasının ölüm xəbərini təsdiqləyib:
“Bəli, atam rəhmətə getdi. Dəfn yeri və saatı iki-üç saata təyin olunacaq. Atam xəstəxanada deyildi. Evdə idi. Hadisə birdən oldu. Bir ara çox yaxşılaşmışdı, sağalmışdı. Bu xəstəlik elədir ki, gedir qayıdır, sağala bilmir. Danışa bilmirəm, üzrlü sayın”.
Xatırladaq ki, Xalq artisti Ramiz Məlik onkoloji xəstəlikdən əziyyət çəkirdi.
Nəzrin Vahid
