Şahbuzda avtomobil aşıb: Dörd yeniyetmə xəsarət alıb

Şahbuz rayonunda ağır yol-nəqliyyat hadisəsi baş verib.

APA xəbər verir ki, hadisə rayonun Külüs kəndi ərazisində qeydə alınıb. "Mercedes" markalı avtomobilin aşması nəticəsində dörd nəfər kənd sakini - 2007-ci il təvəllüdlü Vurğun Elgün oğlu Cəfərli, 2008-ci il təvəllüdlü Yaqub Xəyal oğlu Vəliyev, Sinan Məzahir oğlu Quliyev və 2011-ci təvəllüdlü Barat Qənimət oğlu Məmmədov xəsarət alıblar. Onlar Naxçıvan Mərkəzi Xəstəxanasına yerləşdiriliblər. Vəziyyətləri orta-ağır qiymətləndırilir.

İlkin məlumata görə, uşaqlardan biri maşını valideynlərindən icazəsiz götürərək sürüb və bu zaman qəza törədib.

Faktla bağlı araşdırma aparılır.