Gəncədə çay kənarındakı yol təhlükə saçır: Sakinlər sürüşmədən qorxurlar

Gəncədə, çayın kənarında yerləşən yolda təhlükəli vəziyyət yaranıb.

Oxu.Az xəbər verir ki, Gəncə sakinləri bununla bağlı şikayətlərini sosial şəbəkədə paylaşıblar.

Qeyd olunur ki, 3 saylı xəstəxananın yaxınlığındakı avtomobil yolunun asfalt örtüyündə çatlar və qırılmalar əmələ gəlib. 

Sakinlərin sözlərinə görə, bu, ətrafdakı evlər üçün də təhlükə yaradır. Onlar torpaq sürüşməsinin baş verməsindən narahat olduqlarını bildiriblər. 

Vətəndaşlar deyirlər ki, məsələ ilə bağlı dəfələrlə aidiyyəti quruma müraciət etsələr də, heç bir tədbir görülmür. Onlar təhlükənin qarşısının alınmasını və çayın kənarında sahilbərkitmə işlərinin həyata keçirilməsini istəyirlər.

Aytac Qasımova