Salyanda avtomobil QƏZASI: Xəsarət alanların son durumu açıqlandı

Salyan rayonu ərazisində minik avtomobilinin iştirakı ilə baş verən yol-nəqliyyat hadisəsi nəticəsində beş nəfər xəsarət alıb.

Oxu.Az-ın sorğusuna cavab olaraq Tibbi Ərazi Bölmələrinin İdarəetmə Birliyindən verilən məlumata görə, xəsarət alan şəxslərin vəziyyəti stabil olaraq qiymətləndirilib:

"Salyan rayonunda baş verən yol-nəqliyyat hadisəsi ilə əlaqədar beş nəfər (üçü qadın, ikisi kişi cinsli olmaqla) oktyabrın 4-də saat 18:00-da Salyan Rayon Mərkəzi Xəstəxanasına hospitalizasiya olunub. Müxtəlif növ yüngül bədən xəsarətləri alan şəxslərə zəruri tibbi xidmətlər göstərilib. Vəziyyətləri stabil olaraq qiymətləndirilib. Hər biri ambulator müalicə üçün evə buraxılıblar", - məlumatda deyilir.

Aygün Mirakif

04 oktyabr, 23:40

Salyan rayonu ərazisində minik avtomobilinin iştirakı ilə baş verən yol-nəqliyyat hadisəsi nəticəsində beş nəfər xəsarət alıb.

AZƏRTAC-ın məlumatına görə, hadisə saat 17:00 radələrində Salyan rayonunun Xalac kəndi ərazisində baş verib.

Minik avtomobili yolda olan iribuynuzlu heyvana görə idarəetmədən çıxıb və yol kənarındakı maneəyə çırpılıb.

Hadisə zamanı xəsarət alanlar - Sevinc Babayeva, Kənan Babayev, Vüsalə Babayeva, Allahşükür Babayev və Sevgül Babayeva Salyan Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.