Ən son xəbərləri bizim Telegram kanalımızda izləyin
Səbuhi Əhmədov və daha yeddi şəhidin adı Bakı küçələrinə verildi - CƏDVƏL
Bakıda küçələrdən birinə 12-14 sentyabr 2022-ci ildə erməni təxribatı nəticəsində şəhid olan Səbuhi Əhmədovun adı verilib.
Bu barədə Oxu.Az-a şəhidin qardaşı Sənan Əhmədov məlumat verib. O bildirib ki, paytaxtın Xətai rayonunda yerləşən Abidə küçəsinin adı dəyişdirilərək “Səbuhi Əhmədov” adlandırılıb.
Şəhid Səbuhi Əhmədov ilə yanaşı, daha yeddi şəhidin adı küçələrə verilib.
Belə ki, ümumilikdə səkkiz şəhidin adları Bakı şəhəri, Sabunçu, Səbail və Xətai rayonları üzrə müfaiq küçələrə verilib.
Qərara əsasən, adlar Sabunçu, Səbail və Xətai rayonları üzrə aşağıdakı kimi dəyişdirilib:
| Rayon | Küçənin köhnə adı | Küçənin yeni adı |
| Sabunçu | Maştağa qəsəbəsi, Burla Xatun küçəsi | Yalçın Rəhimov küçəsi |
| Səbail | Buxta küçəsi | Nicat Şükürlü küçəsi |
| Səbail | Badamdar qəsəbəsi, Qədim Qala küçəsi | Yusif Budaqov küçəsi |
| Səbail | Badamdar qəsəbəsi, Neftçilər küçəsi | Cavidan İbrahimli küçəsi |
| Səbail | Badamdar qəsəbəsi, Məktəbli küçəsi | Cəmil Məmmədli küçəsi |
| Səbail | Badamdar qəsəbəsi, Yanardağ küçəsi | Bakir Quliyev küçəsi |
| Xətai | 3-cü Liman küçəsi | Rəcəb Yolçu oğlu küçəsi |
| Xətai | Sülh küçəsi | Kəmaləddin Məmmədzadə küçəsi |
| Xətai | Abidə küçəsi | Səbuhi Əhmədov küçəsi |
Qeyd edək ki, Vətən müharibəsi şəhidlərinin adlarının əbədiləşdirilməsi məqsədilə Bakı şəhər İcra Hakimiyyəti başçısının sərəncamı ilə küçələrə adların verilməsi həyata keçirilib. Müvafiq sxemlər Əmlak Məsələləri üzrə Dövlət Komitəsi tərəfindən təqdim edilib.
Könül Cəfərli
"Neftçi PFK" teqi üzrə xəbərlər
- Anton Krivotsyuk Azərbaycan Premyer Liqasına qayıdır
- Azarkeşlər "Neftçi" və "Turan Tovuz"u ziyana salıblar
- Azərbaycanlı məşqçi Hindistan klubundan gələn təklifi geri çevirib
- Azərbaycan Premyer Liqasının 13 turunda cəmi yeddi futbolçu bütün oyunlarda sonadək meydanda olub
- Əfsanəvi Ronaldinyo "CineMastercard"da kimsəsiz uşaqlarla görüşüb
Ən çox oxunanlar
Rəylər