Şəmkirdə yanğın zamanı bir neçə mağaza və obyektə zərər dəyib - YENİLƏNİB + FOTO/VİDEO

Şəmkirdə mağaza və obyektlərdə baş vermiş yanğının səbəbi araşdırılır.

“Report”un məlumatına görə, Şəmkir şəhəri, 20 yanvar küçəsində baş vermiş yanğın nəticəsində, ümumilikdə səkkiz mağaza və obyektə zərər dəyib. Bunlardan ikisi bazar ərazisində, digər altısı isə bazara yaxın yerdə fəaliyyət göstərən mağaza və obyektlərdir.

Yanğın zamanı ümumi sahəsi 2 340 kvadratmetr olan bazar ərazisində bir-birinə bitişik sahəsi 130 kvadratmetr olan müxtəlif təyinatlı səkkiz mağazanın yanar konstruksiyaları yanıb, yüksək temperaturdan bitişik tikilən iki mağazanın lambirdən ibarət tavanı 14 kvadratmetr sahədə əriyib.

Hadisə yerinə Fövqəladə Hallar Nazirliyinin Şəmkir rayon Yanğından Mühafizə Hissəsinin beş yanğınsöndürən maşınları və canlı qüvvəsi cəlb olunub və yanğın söndürülüb.

Xəsarət alanın olmadığı bildirilir.

Faktla bağlı araşdırma aparılır.

18:31

Şəmkirdə bazarda baş verən yanğın söndürülüb.

Fövqəladə Hallar Nazirliyindən (FHN) verilən xəbərə görə, Şəmkir şəhəri, 20 yanvar küçəsində yerləşən bazar ərazisində baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən söndürülüb.

Yanğınsöndürənlərin həyata keçirdikləri operativ tədbirlər sayəsində yanğın genişlənməsinə, o cümlədən bazar ərazisində bitişik obyektlərə keçərək böyük sahəyə yayılmasına imkan verilmədən qısa müddətdə söndürülüb.

Şəmkirdə yanğın zamanı bir neçə mağaza və obyektə zərər dəyib - YENİLƏNİB + FOTO/VİDEO

18:08

Şəmkir rayonunda mağazada yanğın baş verib. Güclü yanğın digər dükanlara da keçib.

“Report”un məlumatına görə, hazırda əraziyə Fövqəladə Hallar Nazirliyinin Şəmkir rayon Yanğından Mühafizə Hissəsinin yanğınsöndürən maşınları və canlı qüvvəsi cəlb olunub.

Fövqəladə Hallar Nazirliyinin yaydığı məlumata əsasən, hadisə şəhərin 20 Yanvar küçəsində, bazar ərazisində qeydə alınıb və yanğından mühafizə bölmələri çağırış üzrə cəlb olunublar.